НУУЦЛАЛЫН БОДЛОГО

Энэхүү нууцлалын бодлого нь urgoo.mn вебсайт болон Urgoo гар утасны аппликэйшнд хамаарна. Бид таны хувийн мэдээллийг хэрхэн цуглуулж, ашиглаж, хамгаалдгийг доор тайлбарлав.

1. Бүртгэлийн мэдээлэл: Бүртгүүлэхэд таны утасны дугаарыг баталгаажуулж хадгална. Google эсвэл Facebook-ээр нэвтрэх үед тухайн үйлчилгээнээс таны нэр, и-мэйл хаягийг авна.
2. Урамшууллын хөтөлбөр: Таны утасны дугаар нь урамшууллын картыг кино театрын үйлчилгээний системтэй холбоход ашиглагдана.
3. Захиалга, төлбөр: Тасалбарын захиалга болон худалдан авалтын түүхийг хадгална. Төлбөрийг банк болон төлбөрийн үйлчилгээ үзүүлэгч гүйцэтгэдэг бөгөөд бид таны картын мэдээллийг хадгалдаггүй.
4. Байршил: Таны зөвшөөрөл өгсөн тохиолдолд байршлыг зөвхөн ойролцоох салбар болон зайг харуулахад төхөөрөмж дээр ашиглана. Байршлын мэдээллийг серверт хадгалдаггүй.
5. Мэдэгдэл: Push мэдэгдэл илгээхийн тулд төхөөрөмжийн токенийг хадгална. Та төхөөрөмжийнхөө тохиргооноос мэдэгдлийг хүссэн үедээ хаах боломжтой.
6. Хэрэглээний шинжилгээ: Апп болон вебсайтын хэрэглээг сайжруулах зорилгоор Google Firebase Analytics ашиглана. Android төхөөрөмж дээр үүнд зар сурталчилгааны танигч (advertising ID) багтана.
7. Алдааны мэдээлэл: Аппын алдааг илрүүлж засах зорилгоор Sentry үйлчилгээгээр төхөөрөмжийн загвар, үйлдлийн системийн хувилбар зэрэг техникийн мэдээлэл цуглуулна.
8. Зургийн сан: Тасалбарын зургийг хадгалах үед апп таны зургийн санд зөвхөн бичих эрхтэй бөгөөд таны зургуудыг уншдаггүй.
9. Мэдээлэл дамжуулах: Бид таны хувийн мэдээллийг худалддаггүй. Зөвхөн дээр дурдсан үйлчилгээ үзүүлэгчидтэй (Google, Sentry, төлбөрийн байгууллагууд, кино театрын үйлчилгээний систем) үйлчилгээ үзүүлэхэд шаардлагатай хэмжээнд хуваалцана.
10. Устгах хүсэлт: Та бүртгэлээ болон холбогдох хувийн мэдээллээ устгуулах хүсэлтийг info@urgoo.mn хаягаар илгээж болно.

Асуулт, санал байвал info@urgoo.mn хаягаар холбогдоно уу. Энэхүү бодлогод өөрчлөлт орсон тохиолдолд бид энэ хуудсанд шинэчлэн нийтэлнэ.